1) Susanna  hanım  siz 20  yıldan  ziyade  qırımtatar   teatirinde  çalışasıñız. Bu  yıllar  içinde  Susanna  Barabaşeva nasıl deñişti?

-Er  bir  zenaat  insanıñ hayatında  iz  qaldıra, meselâ   aktör  zenaatı  daha  çoq. Aktör-  bu  insan nezaretçi, er şeynen  meraqlana, fikir etmege  bilgen ve  pek  duyğulı. Aktörlar  diger  zenaatlarğa  baqqanda   belkide  biraz serbestler.  Közetüv alışqanlqlar  daa  çoq yañı  rolerniñ çalışmasında  peyda  olalar,  yañı  roller  içün  yañı  renklerni qıdırğan  vaqıtta  bütün  çalışmanlarnı  yañı  obraz    içün  sarf  etesin. İnsanlarğa  büyük  meraq  ile  baqasın  böyleliknen   yürüşilerni,  alışqanlıqlarnı  ve   tarzlarnı  celp  etmege   tırışasın. Bazıda  laf  etmek   tarzını  celp  etesin,  soñra   rejissörğa   kösterisin  o  qabul  ete  ya  da  aksine   qabul  etmey. Men  bu  yıllar  içinde  nasıl  deñişkenini  aytıp   olamayım.  Men  er  daim  aktrisa  olğan   edim.   Belki  zenaatımda   daa  çoq  emin  oldım ve  özümini bu  saada   taptım.

2. Nasıl  siz  tüşünesiñiz,   ne  içün   teatr  repertuarında   daa  çoq komediyalar klassik  sanalaştıruvlar  yoq  ve  pek  az  drama  levhaları  qulanıla ?

- Yazıq  ki  bizim teatirimizde  bir  çoq  komediyalar  ve  daa  çoq  turmuş aqında,   dramatik  degil.  Bugünki   künde tek  bizim  teatirimizde  degil  dünyanıñ çeşit  teatirlerinde   böyle  al. Bizim  seyircilerimiznen   laf  etkende,  daima  eşitesin: “Bizde  böyle  de   problemler  pek  çoq,   komediyalar  qayğurıv  meselelerden  çetleşmek  yardım   eteler”. Klassikağa  kelgende ... Yazıq  ki, teatr  planğa  bağlı.  Klassik  sanalaştırmalar  masraflı   tedbirlerge   çevirile.  Ve  şunıñ  içün masraflarnıñ   qarşılığına  çıqmaymız.

Bizim teatirimiz  Qırım boyunca gastrolerge çıqa  ve  klassik  sanalaştırmalar  yahşı  qabul etilmey. Klassik  seyircilerden  ciydiligini talap  ete. Er kes  bunı  qabul  etmey, şunıñ  içün  komediyalarnı  qoyamız,  men  bellesem o  da  yahşı))

3. Sanağa çıqqanda   özünizni  nasıl azırlaysıñız. Özüne  neler aytasıñız ?

-Teatirde   spektaklden  evel er  şey  aenklene:  yani  ışıq, grim, kostümler.  Bazıda  meslekdeşlerimiznen   spektakilden  evel  muzıka  añlerni, sözlerni teşkiremiz.  Bazıda  spektaklden   evel  men   apparatnayağa  kirip  yuqarıdan  temaşa  salonına   baqam.  Bütün  atmosfera  spektaklge  aenklene.  Ve  elbette  içinden  de aenklenmek  pek  müim. Qaramanıñ sözlerni, işmarlarnı, plastikanı  ve  monologlarnı  daima  hatırlaysın.

4. Teatr artist  içün    spektaklden   yıqılmaq  bu  ne  demek ?

-Kerçektende   teatr  bu  hadimlernen  birlikte  yapılğan  sanaat.  Ve er  bir  akter  ğaye  içün  çalışa.  Seyirci bunı  körmey. Bazı  vaqıtları  spektakl qıyın  kele.  Bu  çeşit  meselelerinden  bağlı.  Atta  zalda  olğan  energiyasadan!  E-e  böyle  ola. Öyle  ola ki,  seyirciler farqlı  ola atta  mısqılaylar  ve  aktör  bunı  duya.  Şuyukrler olsun  böyle  adiseler  siyrek  rast  keleler.

Amma   bir şeyge  baqmadan  bizim  seyircilerimiz  bizni  ürmet  ete  ve  seve biz  olarğa   can  yürekten   minetdarmız.

5. Siz  yaqın  vaqıtta   ana   olduñız,  analıq  sizin  icadınızğa nasıl  tesir  etti?

Men  sekiz yıldan  berli  ana. Men  öyle  bir  malümatnı  oquydım   Yaponiyada  kimde  balası  sekiz  yaşından  genç  olsa,   o ana aktiv  dep sayıla. Mende   pek  güzel oğlum bar! Men Allaha  oğlum  içün  soñsız  şükürler  ketirem.  O merametli, aqılı, alicenap. Pek  qabiliyetli.   Bunınen   beraber  endi  aqay.  Onıñ peyda  olmasınen  nasıl  men  deñiştim?

Men  daha  çoq mesülietli oldım. Daha çoq balaçıqlarnı  añlamağa başladım.  Men  sıq-sıq  sanalarda, balalar içün  kontsertlerde  iştirak  etem.  Endi  çıqışlarıma  azırlıq körgende  “Men   tüşünem, nasıl  bu  ikâyelerini men  Amirge   aytar  edim?”

6. Ne  aqında  arzu  ete Susanna  Barabaşeva?

- Ne aqında  men  hayal  etem?  İlk  evelâ  menim olğlum   ömür  devamında   doğru  yolnı  seçkenini  pek  isteyim.  Bu  yolda  manialar az  olsun  ve  daima  güzel  insanlar olsunlar.  Menim yaqınlarım  sağlam olsun.  Bizim  halqımız   qorqusız  yarınki künde   emin   olğanını   pek  isteyim.